TeYaaaaaaa
saLaMz 3aLeeKoM ;Pp~
shOoNKoM sha5barKom ShmsaweeN! ;Pp~
3oDNa Lakom men jaDeeD fee 7aLaGa jaDeeDa ;Pp~
ab6aL eLyoom:
-ma1n0n
-Oboy ;*~~~~
-eLWaLDa ;*~~~~
-eLMurSheD
-benT o5oy ;*~~~~
----------------------------------------------------------------
7:00am
قعدت الصبح عشان بروح المدرسه اقط جدولي الحمدلله كلللللللللللللللللللش مافيني النوم
كلللللللللللش مو نايم بس ثلاث ساعات ;Pp~
دقيت على عبيد قلتله عشر دقايق انا عندك
قمت غسلت بدلت
طقيت الباب عالوالده باخذ جدولي كنت قاطه عندها
قالتلي انطر
نزلت
ولا نازله وراي
عطتني الجدول جان تقول
ترى ابوك مو راضي تروح بسياره
ليش ما ليش ومادري شنو
بس خايف عليك
ياااد النيله انا مواعد عبيد
واحتمال اطول داخل المدرسه
قلتلها انزين خل اروح اليوم وبعدين كيفكم
جان تقول لا مو راضي يسوي سالفه
ويبيك عقب ماترجع تروح وياه النادي عشان استغنائك
قلتلها انشالله
حدي تنرفزت منه
دقيت على عبيد قلتله طلعلي جدولك انا اوديه
مريت خذيت جدوله ورحنا المدرسه
7:30am
وصلت هناك
دشيت داخل
رحت الارشاد قالو مرشد مدرستكم مو موجود
يوصل الساعه 8
وانا حدي مالي خلق انطر
المهم .. رحت السياره قعدت اتحلطم على الوالده وحدي مطنقر ليش مو مخليني اروح بروحي
ومتنرفز وحالتي حاله والوالده تطالعني وتضحك
المهم قعدت العب
SuDoko
بالفون لين صارت الساعه
8:00am
دشيت المدرسه رحت الارشاد ولا ليلحين مو موجود
كلمت رئيس قسم الارشاد قلتله اخليها عندك وانت تصرف
قالي بتسحب وتظيف؟ قلتله اي
قالي اكتب شنو الي تبيه واحنا نسويلك اياه انشالله
كتبت وخلصت
مادري وين راح طلع برى
قعدت انطر حظرت جنابه يرجع
ما وصل
شوي ولا وصل المعرس
وصل مرشد مدرستنا
قالي روح حق الاقسام الي بتظيف وبتسحب منهم
وبعدين ارجع لي
قلتله شنو روح وتعال وانا ناطرك من الصبح
قاعد بهالحر نص ساعه
كلش ما جني ميت من البرد بالتكييف بالسياره
المهم قلتله قاعد بهالحر نص ساعه ناطرك وهم بتزحفني
هاك انت وقعهم وسوهم
قالي اوكي
عطيته الجداول ومشيت
8:30am
وصلت البيت
عطتني الوالده فلوس قالتلي روح صب بانزين واحلق
وصور حق الاستماره من الحين
قلتلها انشالله
طلعت ولا زمول داق علي
قعدت اسولف وياه
وصلت المحطه
صكيت التلفون عبيت بانزين
شفت واحد من الشباب بالمحطه
سألني وين التعليم العالي
قلتله شدراني اسأل لك وادق عليك
قالي اوكيك
حركنا
مني مناك مني مناك جان ادق عليه قلتله وين
صكيته منه دقيت على زمول اقين سوالف وضحك ومادري شنو
وصلت الحلاق جان انزل قلتله يالله طس احلق واكلمك
نزلت حلقت وجذي وشغل عدل وزقرت
طلعت من الحلاق متجه الى المصور
وهممم زمول دق علي
ياد الزمول الي ما يخلص
حتى حبيبتي ما سولفت معاها هالكثر
المهم وصلت المصور جان اصكه منه :pP~
صورت خلصت
وهمممممممم دقيت عليه
مانخلص
المهم قالي يالله انا بقط واحد من الشباب صباح السالم امش خل اشوفك
قلتله اوكيكيشن
رحت له قطعه خمسه
مواعده بمسافط مدرسه
ياعيني عالجو الرومانسي
وصلت المسافط الي ورى قالي انا بالمسافط
قلتله ماشوفك
جان اقوله انطر انطر عرفت وينك
يعني صايد الحركه مع ويهي
رحت المسافط الي جدام
مالقيته!؟
شسالفه زمول وينك؟
جان يقول كاني توني داش المسافط
ايالــ؟؟
جان اقوله يالله يايك ورى
رحت المسافط الي ورى ولا واقف هناك
نزل من سيارتهم
صعد معاي
وجو رومانسي
وهدوء ;$~
واثنينا مستحين
لالا شدعوه @@
كااااااااااك
المهم قعد يعبط ومادري شنو
جان الوالد يدق @@
يا امييي شو هيدااا
رديت عليه
يقول يالله ارجع البيت اخلص خل نروح النادي
قلتله انشالله تأبرني
لو قايله تأبرني جان تفل بويهي
المهم
زمول طول
جان اقوله زمول زمول اقلب ويهك
والحين ادق عليك بس لا يسويلي سالفه الوالد
قالي اي ليش ما تقول منزمان عادي يعني انا قطت ويه
قلتله يالله انجلع
طلعت من المسافط شاخط
وهمممممم دقيت عليه
يقولي انشالله ما تقحص؟؟
كااااك
المهم
رحت البيت
ولا الوالد والوالده حوسه عندهم واوراق وايد
المهم الوالد قالي بطلعلك استماره بعد اسبوع ولا اسبوعين
دق على احد من ربعك اسأل شنو الاوراق المطلوبه
دقيت على فوكسو المنقذ
قالي جذي جذي
قلت حق الوالد
قالي انزين قوم شغل السياره
طلعنا من البيت انا وياه
دق على مدير النادي
مدير النادي يبي يسافر حظرت جنابه
قال مدير اللعبه مو موجود ومادري شنو
تعالو باجر المغرب تلاقون نائب الرئيس كلموه
قلناله اوكيك
المهم
الوالد مكمل دربه
ها وين رايح يبا
جب مو شغلك
انشالله
رحنا القرين خدمة المواطن
الوالد يتعنفق ماله خلق يمشي
وقف عند الباب وقالي روح اسفط السياره
قلتله انشالله
سفطت ورحت له داخل
ولا قاعد يسوي الاستماره مالتي @@
دشيت ولا يطالعني ويضحك
على كثر ما كنت متنرفز منه
كان ودي ابوس فيه لين ما يكفخني
المهم حدي متشقق
خلصنا الاوراق تحت عند الطباعين
رحنا فوق
ولا زحححححححححححمه
قلت حق ابوي متى بنخلص
جان يقول مو شغلك امش
رحنا دشينا على الظابط الي قاعد
جان يقوله ابوي يايلك من طرف فيصل الـ؟؟؟
عمي ;Pp~
المهم واحنا واقفين خلص اوراقنا بثواني
قالنا روحو قرطبه الخدمات الطبيه للشرطه
رحنا هناك
ولا ماكو مواقف كللش
في حدايد عند الباب مكتوب عليهم ممنوع الوقوف
ابوي قالي انزل دنها شوييييه بس خل اسفط
دنيتها شوي
جان يوقف
مواهاها
حصلنا موقف عند الباب هياا
المهم دشينا
قعدنا ولا يقولي المصري اقعد هني انطر دورك
المشكله كان في وحده قاعده
قلتله لا خلني واقف
قالي كيفك ما تقعد ماتدش
اشرت له عالبنت انه يعني شسالفه
جان يقولها لو سمحتي بس لو تروحين الكرسي الي وراه
راحت هناك
وقعدت عطيتها ظهري
يحليلي تكانه
المهم
جان ايي هندي يبي يقعد
جان تدني
شوي جان يقولها الريال لو سمحتي قعدي هناك صوب البنات كااك
المهم
وصل دوري
دشيت قعدوني
انا فيني قصر نظر
وعيوني رايحه فيها
حدي ما اشوف
مواهاها
المهم قعدت
يمين يسار مني مناك
جان امشي حالي
حط لي مال الفحص بدون نظاره مواهاهاها
المهم خلصنا
ردينا القرين خدمة المواطن
رحنا حق الظابط
وقعها لنا قال روحو سوو فحص فصيلة دم بالمستوصف
رحنا
دشينا صوب المختبرات
ولا وحده تخز مادري شفيها تقول ماكل حلال ابوها
دشينا داخل قالو لازم تروحون مستوصف صباح السالم
قالهم ابوي بس فحص دم عالسريع وبنمشي لان قاعدين نسوي اوراق وجذي
قالو اوكيك
في واحد الظاهر عنده ميداني قعد يجرب فيني
والي تخز شافتنا واقفين وقفت عند الباب واقفه جدامي وكل شوي تتلفت
مادري شصاير بالظبط
المهم
دشت فحصت
طلعت وهم تخز
مادري شايفه كائن غريب ولا شالموضوع
اني ويز
دشيت وجذي
الوالد قام يقزرها على هذا الي قاعد يحلل
لما خلصنا جان يقوله ترى اتغشمر وياك لا تزعل
كااااك خليت فيها غشمره يبا؟
المهم طلعنا ركبنا السياره
جان يقولي الوالد انت مواعد؟
قلتله ها!؟
يقولي في وحده تخزك داخل
قلتله وين ما انتبهت عليها
جان يقولي الي كانت واقفه جدامك
قلتله مادري عنها جان قلتلي الله يهداك جان خليتك تروح السياره :P
المهم
رحنا ادارة المرور
طبعا الوالد ماقصر فيني
كل مكان نروح له ينزل عند الباب ويخليني اسفط مو مصدق اني بسوق
المهم .. رحنا هناك ولا يقولون مايصير
مانقدر نطلع استماره الا بيوم ميلاده قبلها بيوم مالنا صلاحيه
قالهم ابوي
انااا فلان الفلاني شنو مايصير
جان تخترع هذيك
اسفه عمي والله لو بايدي جان طلعلته الليسن بعد مو بس الاستماره بس مانقدر
تقدر تروح ادارة مرور مبارك الكبير هناك عندهم صلاحيات يطلعون استماره قبلها بشهر او شهرين
رحنا هناك
دشينا عند واحد جان يقول فوق مدير المادري شنو
والوالد الله يطول بعمره ريوله تعوره ومايقدر يصعد بسهاله
قلتله خلك انا اصعد
قالي لا انا اصعد وياك شنو شايفني شايب؟
قلتله لا شباب بو حمد يالله فوقه
قالي يالله بسم الله
صعدنا رحنا حق مدير المادري شنو
قبل لا ندش سأل ابوي
منو المدير
ولا واحد يعرفه ;Pp~
دشينا سلم عليه وجذي وقعدنا
وقاله السالفه وجذي جذي ونبي نخلص
جان يقوله اي افا عليك تامر بس تعالي تاريخ
ثمانيه - سبعه - الفين وثمانيه
8-7-2008
واسويلك الورقه لانه صلاحيتي بس شهر ماقدر ازيد
قاله الوالد اي هذي شهر وجم يوم
قاله اي هالجم يوم تفرق
جان يقوله شلون يقولون صلاحيات قبل شهرين
جان يقول بالاداره الي فوق
جان يقولي الوالد امش فوق
قلتله لا بس خلاص ننطر كلها اسبوعين
قالي لا امش امش وياي نخلص مره وحده
قلتله بس انت ريولك مو لازم نصعد خلاص دام مابقى شي
مو مستعيل
جان يقولي مو شغلك امش
قلتله والله مانصعد بس خلاص لي هني ويعطيك العافيه وايد حست اليوم
جان يقول الله يعافيك
وقعناها
والظابط يوصي الوالد لا ترووحون اليوم تودونها ترى اتمشكل ومادري شنو
قاله لا توصي وجذي
ورحنا البيت
واحنا بالطريج قاعد اقارن صورتي الي صورتها اليوم
بصوره قديمه
بصوره اقدم
كلهم نفس الويه
ونفس الابتسامه
ونفس القعده
بالظظظظظبط
كااك يعني مجرد ويه ينتفخ ويضعف
وشنب ومادري شنو
كااااااااااااك
بعدين وصلنا
home sweet home ;*~
12:30pm
قعدت وقعدو يوصوني دير بالك ومادري شنو ومن هالكلام
وتركد وانت تسوق
وماحظرات طويله عريضه
المهم خلصنا وصعدت
قطيت راسي عالفراش وانا منقتللل
والكيبورد بحظني والماوس يمي وقزرها مسنجر وقوه
دقت علي اختي قالتلي في مخطط مال مادري شنو مو واضح ابيك تعدله لي وتكبره
قلتلها انشالله
قعدت اشتغل عليه من الـ 1 لييييين الـ 4 قلت بسس هذا حدي ماقدر
جان اقط راسي وانام
10:15pm
قعدت جان ادق على اختي
قلتلها الحين اكمله واوريج اياه
خلصت ووريتها وجذي
المهم
رديت بعدين اسولف مسنجر وجي
12:00
بنت اخوي بتنام عندنا
وبنت اخوي وولد اختي اذا قعدو بغرفه وحده مستحيل يصير هدوء
يعني الخدم يتوفون سكته قلبيه او شي جذي
فـ قطوها علي على ما ينومون ولد اختي عشان ينومونها بعدين
المهم قعدت احطلها اشياءات بيوتيوب
فله وسندرلا وربعهم
لين خذوها
وقررت اني اكتب البلوق بس حدي تأخرت :p
ماخلصت الا بالـ 2 ;pP~
----------------------------------------------------------------
قمم: قمة العظمة ان تبتسم وفي عينيك الف دمعة
قمة الصبر ان تسكت وفي قلبك جرح يتكلم
قمة الالم ان يجرحك من تحب
قمة الحب ان تحب من يجرحك
قمة الوفاء ان تنسى جرح من تحب
كلمة اخيره:
انزين انا يعني متعب نفسي ومسوي البلوق وجذي وحالتي حاله
في ناس يدشون يطالعون ويمشون :"(
انزين ليش ;''(
حط كومنت خو ماراح تنقص سناسينك ولا راح يطول شعرك
نورنا بوجودك خو ;$~
حتى لو مو عاجبك البلوق قول ياخي رايكم مهم ازازا
يعني اساساً
مواهاها
وشكرا
يالله خل اختم .. كح كح
مواهاهاهاهاها
للاقتراحات والشكاوي والتعليقات والملاحظات والمشكلات الاقتصاديه والسياسه والفكريه والاجتماعيه
والحالات النفسيه المستعصيه والامراض والاضطرابات العقليه
يرجى ارسال رساله خاصه وشكرا لحسن تعاونكم
اول ما يتبادر الى الذهن
[حياتك خساره]
وهم نرد نقول
ماعلينا يا حبيبي ماعلينا من كلام الناس ماكنا درينا
على كل حال
كان هذا يومي المليق
ودمتم
شاكرين لكم حسن استماعكم حضرات الساده المشاهدين
وعلى امل ان نلقاكم في يوم مليق اخر
كان محدثكم
مينون -- الكويت -- محافظة مبارك الكبير -- صباح السالم
قطعه 4 -- شارع 10 -- منزل بيتنا -- الدور الاول -- اول غرفه عاليمين -- جبال الكمبيوتر
واشنطننننننننننننننن O_o
Tags: ma1n0n day diary 23-6
