سوف اشتاق اليكِ
كنت اعتقد اني قبل ان اشاهدكِ اول مرة
اني اعرف ما هو الحب
لكنني اكتشفت اني كنت جاهل فيه
انتِ علمتيني حقيقة معنى الحب
احببتكِ من كل قلبي
اعطيتكِ كل ما املك
اعتقدت ان حبنا سيدوم الى الابد
انا الوحيد الذي دام على ذلك
وانتِ كنتِ تعتقدين انه لن يدوم
حاولتِ أن تخبريني بذلك
وانا دائما كنت اختار عدم الاستماع لذلك
كنت دائما استمع الى ما يقوله لي قلبي
لو كان بمقدوري الرجوع بالزمن وتغيير الاشياء
لفعلت ذلك لكني لا اقدر
اريد ان تبقى ذكرياتنا كما كنا سعيدين رغم البعد الذي بيننا
انا باقي على حبكِ وسأبقى أحبكِ
ولكن اليوم حياتي بدأت من جديد
بدأت ولكن بدونكِ
هذا البعد سيكون قاسي علي
ولكني اعلم اني استطيع ان اقوم بذلك
لكي تستمر حياتي
Tags: alfodry
شلون تصفط بنت بعشرة خطوات ؟
تكملة للدروس اليوارية السابقة اقدم لكم هذا الدرس اللي يسهل عليكم عملية التصفيط بسهولة وبدون
عقبات .. فقط عشرة خطوات اذا طبقتها بالطريقة الصحيحة اضمن لك انك ما تخلص قزك الا وانت مصفط ..
1- أول شئ لازم تختار مكان القز , يعني مو معقولة بتصفط وتقز عالخط السريع .. واشهر اماكن للتصفط
(شارع الخليج , الحب , شارع المطاعم) واحيانا مصافط سوق شرق
2- تأكد ان سيارتك نظيفه وان شكلك مقبول واذا كان عندك موتر فلا تهتم حق هالتفاهات , ولا تنسى
تصب بانزين عشان لا تتوهق وانت تلحق وتضطر تصب بانزين وتضيع البنت منك
3- يفضل ان تبدأ قزك من الحب وتطلع الى دوار البدع واذا لك خلق كمل لي شاطئ انجفه , وبعدين ترجع
الى سوق شرق ومن شرق الى الحب مرة ثانية ..
خلال هذه القزه الطويله اللي يسمونها "التفصفص" لابد وانك تلقى وحدة تعجبك , واذا ما لقيت انا اقولك
روح بيتكم ونام لانك مو ويه قز .. !
4- اذا لقيت بنت خفف على طول وقارن بين سيارتك وسيارتها , يعني مو معقوله عندك كولت وبتصفط
وحدة عندها X5 ! ..واذا كانت المقارنه بينكم عادله فلابد من البدء ..
5- الحين انت لقيت اللي تبيها , اول شئ تسويه هو انك تصف يمها عشان تشوف الويه وهي بعد تشوف
"ويهك" ..
وبعدين خلك وراها وتمشى وراها وكل شوي صف يمها عشان تدري انك تبيها .
6- بعد ما "تلجها" وتأذيها بهالحركه روح يمها وابتسم او اشر على حسب .. انت وملاقتك
7- طبعا راح تتصادفون بأشارة وحدة واذا كانت على السايد اللي يمك فهذه فرصتك , صف يمها على
الاشاره وابعص اللي وراك حتى لو مافي سيارات جدامك .. يمكن اللي وراك يطلع "مليق" ويطق لك هرن ..
سو روحك ما تسمعه لان حتى هو يبيك تجدم عشان يشوفها ..
8- طبعا الحين البنت عرفت انك تبيها وزهقت فتلاحظ ويها بدأ يكش لكن مع تكرار هالحركات والاستعباط
الزايد راح تضحك .. مو مهم تضحك عليك ولا لك .. بس المهم تضحك ..
وبمجرد ما تشوف ضروسها انتقل للخطوة التالية ..
(تذكر انا قلت ضروسها مو اظافرها .. ! تكفه لا تتنح )
9- بعد ما تفتح الاشارة خلك وراها , وانطر متى توصل حق واجهه او مكان تقدر تصفط فيه مثل براحه او
مصافط واكبس لها العالي مره وحده مع اشاره بالاتجاه اللي تبيها تروح له سواء يمين او يسار (اكيد .. لان
مافي فوق ولا تحت !)
اذا كانت تبيك راح تستجيب وتلف , او انها راح تسويك خروف وتخليك تصفطها بالمكان اللي اهيا تبيه وذلك
بالتكبس بالبريك او بالاشارة ولازم تلحقها وتنتقل الى الخطوة التالية ..
لكن اذا ما كانت تبيك فروح دور غيرها لانك اذا "حنجت" لها ماراح تعطيك ويه أو انها تاخذ رقمك وما تدق
عليك ..
10- واخيرا .. اذا دخلت البنت الواجهه راح تصفط وتنطرك فلا تصير "سقيل" وتفتر بالمصافط , اصفط يمها ونزل
جامتك وكلمها وبالسليم وانت اللي مرقمها و"ددردش" و سوالف وضحك ..
اتمنى ان اكون قدرت افيدك عزيزي القززيز .. تر الطريقة سهله وايد وما يبيلها شئ مع اكثر بنات هالوقت ..
فروح جربها الحين ;) ..
بس قبل لا انسى .. تر انا ما اتحمل المسؤولية في الحالات التالية :
- اذا البنت بلغت عنك
- اذا سويت حادث ورحت الانعاش بسبب بنت
- اذا دعمت عائلة او شخص عابر
- اذا انسبيت من بنيه جدام الناس (تر جدا عادي ! )
Tags: alfodry
